എന്നും നിന്നെ ഞാൻ കാണാറുണ്ട്,
നീ കാണാതെ പോകാറുണ്ടെങ്കിലും.
എന്നിൽ നിറഞ്ഞു തുളുന്പിയ
പ്രണയത്തിന്റെ നിറമാണ്
നീ നനഞ്ഞ നിലാവെല്ലാം.
നിന്നിലെ സുഗന്ധത്തിലും
പടർന്നത് എന്റെ നിറമാണ്.
നനുത്ത രാത്രിയിൽ ഞാൻ
ജ്വലിച്ചു നിന്നത് നിനക്ക് വേണ്ടിയായിരുന്നു.
മങ്ങിപോയ ഗ്രഹണയാമങ്ങളിൽ
സ്വപ്നം കണ്ടതും നിന്നെയായിരുന്നു.
ഓരോ രാത്രികളിലും
നിന്റെ മുഖം വാടാതെ
നിന്നെ തലോടിയതും
ഞാൻ തന്നെയാണ്.
തുലാവർഷ രാത്രികളിൽ
നീ കണ്ണീർ പൊഴിച്ചപ്പോൾ
നിന്നെ പുണർന്നാശ്വസിപ്പിക്കാൻ
വെന്പിയതും ഞാനാണ്.
മനസ്സിന്നു കലുഷമാണ്..!!
നിന്നോടിതുവരെ ചോദിച്ചിട്ടില്ലെങ്കിലും
എനിക്കിന്നു തിരികെ വേണം
നെഞ്ചിന്റെയുള്ളിൽ
കാത്തു സൂക്ഷിക്കാൻ
നിന്റെ മൌനം പൂണ്ട പ്രണയം.
- 02.09.2015
No comments:
Post a Comment