P15- എന്റെ പ്രണയം

ഞെട്ടറ്റു വീണ്, മഴ നനഞ്ഞ് 

ചീഞ്ഞളിഞ്ഞ പൂ പോലെ 

ചില നേരങ്ങളിൽ ഓർമ്മകൾ.

കാതുകളിൽ കാത്തിരിപ്പിന്റെ 

കാഹളങ്ങളില്ല, നോവു പാട്ടിന്റെ 

ഈണങ്ങളും; ചുറ്റിലും 

മൌനം തളം കെട്ടിക്കിടക്കുന്ന 

കറ പിടിച്ച മരവിപ്പ്‌ മാത്രം.

വെളിച്ചം ചിത്രം വരച്ച ചുവരു-

കളിൽ നിഴലുകൾ മൂകമായ്
പതുങ്ങി നിന്നു.

കാലമാം മഴ പിന്നെയും പെയ്തു,

ചീഞ്ഞളിഞ്ഞൊരാ പൂവിന്റെ മാറിൽ;

പൂവ് മണ്ണിനോട് ചേർന്നില്ലയത്രേ!

- 16.05.201